قصيرة ولكنها معبرة

يلي خيالك حلم من خاطري مسلوخ
ب بحر حبك كنت خايف من وقوعي

في ألف نسخة غزل بدفاتري منسوخ
وعندك نهيت المضي وختمت موضوعي

حتى تغطي الدهب مش رح بجبلك جوخ
رح قصة شقفة سهر من شرشف ولوعي

وجبلك بلوزة عشق لا تجرد ولا تبوح
في ع طرفها حرف مكتوب بدموعي

ونمشي ب همة شباب وانتباه شيوخ
ويلتف طول الدرب كوعك على كوعي

ونول عاكوخ انزرع حلم ووعد وشموخ
ويحن خبز العشق ع جوعك وجوعي

ونقعد ب ضو القمر نشرب غزل تا ندوخ
وتغفى بليل التعب ع مخدة ضلوعي

ويوعى الضباب ويجي يسدسد بواب الكوخ
ويمنع صفير الهوا منشان ما توعي

يسلمووووووووووووووووووووووووووو شئ حلووووووووووووووووووووو